Hringvegur (1) um Ölfusá
- TegundVegir
- StaðaFramkvæmd hafin
- Verktími2024–2026
- Markmið
- Öruggar samgöngurGreiðar samgöngur
- Heimsmarkmið
- 9. Nýsköpun og uppbygging11. Sjálfbærar borgir og samfélög
- Flokkar
- BrúVegir
- Svæði
- Suðurland
Verkið snýst um færslu Hringvegar (1) út fyrir þéttbýlið á Selfossi. Helstu verkþættir eru nýbygging 3,7 km Hringvegar, bygging nýrrar 330 m langrar stagbrúar yfir Ölfusá og um 1 km af öðrum tveggja akreina vegum. Gerð verða ný vegamót við Hringveg austan Selfoss, undirgöng undir Hringveg fyrir gangandi, hjólandi og hestamenn ásamt undirgöngum fyrir bíla og gangandi. Auk umferðar mun brúin bera uppi lagnir veituaðila, rafmagn, ljósleiðara, heitt vatn og kalt.
Efnisyfirlit
Markmiðið með framkvæmdunum er að auka afkastagetu Hringvegar, aðskilja akstursstefnur og bæta umferðaröryggi. Helsta breytingin sem framkvæmdin hefur í för með sér er að Hringvegur (1) styttist um 1,2 km og ferðatími styttist að lágmarki um fimm til sex mínútur en mun meira á álagstímum. Einnig mun greiðast úr þeim umferðarteppum sem oft hafa skapast við gömlu Ölfusárbrúna.
Brúin yfir Ölfusá verður 330 m löng stagbrú með 60 metra háum turni á Efri-Laugardælaeyju. Brúargólf verður 19 m breitt og er gert ráð fyrir 2+1 vegi með aðskildum akstursstefnum, ásamt göngu- og hjólaleið. Einnig er gert ráð fyrir göngu- og hjólaleið undir brúna á báðum árbökkum. Brúin verður hönnuð þannig að hún geti borið fjórar akreinar til framtíðar verði þörf á því.
Tengd útboð
Verkframvinda
Verkframvinda: Á árunum 2014 – 2016
var unnið að frumdrögum brúar og undirbúningi landakaupa. Verkframvinda 2017: Unnið að forhönnun brúar og undirbúningi landakaupa.
Verkframvinda 2018:
Var einungis unnið að landakaupum. Verkframvinda 2019: Unnið að forhönnun brúar og landakaupum.
Verkframvinda 2020:
Kaup á landi og fornleifauppgröftur.
Verkframvinda 2021:
Unnið var að forhönnun brúar á Ölfusá ásamt vegtengingum. Sótt var um framkvæmdaleyfi vegna vegfyllinga milli Biskupstungnabrautar og Ölfusár og var umframefni úr fargfyllingum í framkvæmdinni milli Biskupstungnabrautar og Gljúfurholtsár ekið í nýtt vegstæði Hringvegar.
Verkframvinda 2022: Unnið var að forhönnun brúar á Ölfusá ásamt vegtengingum. Útboðsferli var undirbúið og auglýst eftir áhugasömum aðilum á evrópska efnahagssvæðinu varðandi þátttöku í útboðsferli og voru haldin markaðssamtöl með þeim aðilum á árinu.
Verkframvinda 2023:
Auglýst var samkeppnisútboð vegna framkvæmdarinnar þann 3. mars 2023 um hönnun, framkvæmd og fjármögnun á framkvæmdatíma, og bárust umsóknir frá fimm þátttakendum sem í kjölfarið voru allir metnir hæfir til að taka þátt í útboðinu og var þeim sent boð um þátttöku í útboðinu í maí 2023 á forsendum útboðsauglýsingarinnar. Unnið var að viðskiptáætlun vegna verkefnisins í tengslum við lög um samvinnuverkefni.
Þann 20. nóvember 2023 voru útboðsgögn send til þessara 5 þátttakenda og skilafrestur veittur til 12. mars 2024.
