Um Horna­fjarðar­fljót

Um haustið 2017 var boðin út lagning tæplega 5 km langrar vegfyllingar frá vesturenda framkvæmdasvæðis að Djúpá. Opnað var fyrir tilboð í verkið haustið 2017 og var samið við Jökulfell um framkvæmdina.  Tilboð Jökulfells hljóðaði uppá 114 milljónir króna eða 74% af kostnaðaráætlun Vegagerðarinnar.  Samið var við verktaka á verktíma um að taka að sér rannsóknarverkefni er fólst í að gera tilraunarfyllingu með jarðdúk neðan við bæinn Hafnarnes við Höfn.

Á vormánuðum árið 2022 var það sem eftir er af framkvæmdinni boðin út og þá sem samvinnuverkefni. Verktakafyrirtækið ÍSTAK reyndist lægstbjóðandi, en tilboð þeirra hljóðaði uppá 6,3 milljarða króna eða 107% af kostnaðaráætlun Vegagerðarinnar. Samið var við ÍSTAK um sumarið og eru áætluð verklok í lok árs 2025. Um haustið var eftirlit við verkið boðið út og í framhaldi þess samið við verkfræðistofuna Verkís um að sjá um þann þátt fyrir hönd Vegagerðarinnar.