16. febrúar 2021Kynning á Hringvegi (1) um Hornafjarðarfljót
Vegagerðin hélt í morgun 16. febrúar kynningarfund um fyrirhugað útboð á samvinnuverkefninu „Hringvegur um Hornafjarðarfljót“. Í fréttinni er linkur á upptöku af fundinum sem var streymt. Verkefnið var kynnt og mörgum spurningum frá áhorfendum svarað auk þess sem í lokin var sýnt myndband þar sem farið er yfir framkvæmdina.
Um kynninguna sáu:
- Bergþóra Þorkelsdóttir forstjóri Vegagerðarinnar
- Axel Viðar Hilmarsson, sérfræðingur á framkvæmdadeild Vegagerðarinnar
- Lovísa Anna Finnbjörnsdóttir sérfræðingur Deloitte
- Ólafur Þór Leifsson, sérfræðingur á innkaupadeild Vegagerðarinnar
Streymið má nálgast á þessum link:
https://livestream.com/accounts/5108236/events/9522144
Lýsing á verkefninu
Um er að ræða nýja legu Hringvegarins um Hornafjarðarfljót sem mun stytta núverandi hringveg um 12 kílómetra. Framkvæmdin felur í sér lagningu 19 kílómetra langs þjóðvegar, byggingu fjögurra tvíbreiðra brúa, lagningu nokkurra hliðarvega, samtals um 9 kílómetra langra, auk tveggja áningarstaða.
Gert er ráð fyrir að framkvæmdir geti hafist fyrir árslok 2021.
Myndbandið sem var sýnt af framkvæmdinni: