Um Skógar­strönd

Verkframvinda 2017
Unnið að frumdrögum að nýjum vegi frá Hörðudalsá að Bíldhóli.

Verkframvinda 2018:
Unnið við hönnun og undirbúning.

Verkframvinda 2019:
Tilboð voru opnuð í verkið 12. júní, verktaki byrjaði á verkinu 25. september og var ræsagerð, undirbygging ásamt vinnslu á styrktarog burðarlagi kláruð á árinu.

Verkframvinda 2020:
Verktaki keyrði út styrktarlagi í janúar, fór síðan í vetrarfrí og mættur aftur í júní Vinna við frágang
á fláum og undirbúning á útlögn burðarlags fyrir klæðingu. Klætt var neðra lag í endaðan júní. Þann 21. júlí var samið við verktakann um viðbótarverk nr. 01 framhald á verkinu, um 1,0 km og hófst það síðsumars eða í október. Unnið við undirbygginu og frágang fláa. Verkið fór í vetrarfrí í desember.

Verkframvinda 2021:
Lagt var út burðarlag á framlengingu verksins ásamt því að klæða neðra lag á framlengingu. Þá var efra lag klæðingar
lagt á veginn í heild og lokið við frágang fláa og vegskeringa.

Verktaki: Borgarverk ehf.

Vegagerðin og Borgarverk skrifuðu undir samning um framkvæmd við verkið Snæfellsnesvegur (54), Ketilsstaðir – Gunnarsstaðir. Verkið felst í endurbyggingu Snæfellsnesvegar á um 5,4 km kafla. Innifalið í verkinu er bygging tveggja brúa á Skraumu og Dunká.

Vegurinn er að mestu endurbyggður í vegstæði núverandi vegar með nokkrum lagfæringum.

Brúin á Skraumu verður 43 m löng í þremur höfum, byggð upp af samverkandi stálbitum og steyptu brúardekki. Milliundirstöður eru tvær hallandi stálsúlur í hvorri undirstöðulínu með stífandi krossum á milli.

Brúin á Dunká verður 52 m löng staðsteypt uppspennt plötubrú í tveimur höfum. Milliundirstaðan er lóðrétt staðsteypt súla. Hún munu standa á steyptri undirstöðu sem grunduð er á klöpp vestan megin við megin rennsli árinnar, þar sem klöpp liggur ofan árfarvegarins.

Gert er ráð fyrir að í flóðum eða klakahlaupum geti vatn og ís náð upp á súlur brúanna án þess að valda skaða.