Landeyjahöfn
Siglingar um Landeyjahöfn hófust sumarið 2010. Ferðatíminn á sjó milli lands og Eyja styttist verulega, úr tæpum þremur klukkustundum í rúmar 30 mínútur og samtals styttust því sigling og akstur til Reykjavíkur úr fjórum klukkustundum í rúmar tvær.
Efnisyfirlit
Ljóst er að tilkoma Landeyjahafnar hefur gjörbylt samgöngum við Vestmannaeyjar. Yfir sumartímann siglir Herjólfur allt að sjö sinnum á dag milli lands og Eyja en yfir vetrarmánuði er siglt sjaldnar en þar spilar veður og ölduhæð stórt hlutverk. Þegar dýpi í Landeyjahöfn minnkar er iðulega hægt að sigla á flóði, ef alda er undir 2,5 metrum.
- Frá 2000 var unnið að undirbúningi verkefnisins
- 2003 voru frumhugmyndir settar fram
- 2005 -2008 unnið að hönnun hafnarinnar
- Byggð á árunum 2008 til 2010
- Siglingar hófust sumarið 2010 með Herjólfi III
- Herjólfur IV hóf siglingar sumarið 2019
Dýptarmælingar í Landeyjahöfn
Dýptarmælingar Landeyjahafnar eru gefnar út í pdf skjölum. Tengill á nýjustu dýptarmælingu er fastur og hægt að nota hann sem bókamerki í vafra til að sjá ætíð nýjustu dýptarmælingu.
