PDF · Útgáfa 13255 — maí 2014Matsskylda vegagerðarverkefna viðmið og gæði gagna
Í rannsóknarverkefninu voru reglur og viðmið um matsskyldu og tilkynningarskyldu vegaframkvæmda á Norðurlöndunum og í Englandi rýnd. Einnig var skoðað hverskonar gögn framkvæmdaraðili skal setja fram í tilkynninguna og hvort það sé einhver munur á þeim háð umfangi eða eðli verkefna.
Rannsóknin leiddi það í ljós að frumvarpið er meira í takt við það sem kemur fram í lögum á Norðurlöndunum og í Englandi hvað varðar viðmið um matsskyldu og tímaramma. Tilkynningum frá Vegagerðinni mun fjölga með tilkomu nýja frumvarpsins en þó skal hafa í huga að væntanlega mun stærsti hluti nýrra tilkynninga sem falla undir flokk C í viðauka 1 í frumvarpinu vera umfangsminni vegaframkvæmdir og/eða vegaframkvæmdir á síður viðkvæmum svæðum. Það gerir tilkynningarnar umfangsminni og þær munu taka styttri tíma í afgreiðslu hjá Skipulagsstofnun eða sveitarfélögunum auk þess að ekki verður þörf á að fá álit hjá umsagnaraðilum.
