PDF · júlí 2002Banaslys í umferðinni 2001
Hér liggur fyrir skýrsla Rannsóknarnefndar umferðarslysa um banaslys í umferðinni árið 2001. Skýrslan er með hefðbundnu sniði þar sem fjallað er um grunntölfræði og orsakir banslysa, auk þess sem ábendingum á sviði umferðaröryggismála er komið á
framfæri.
Óhætt er að segja að gæði starfs rannsóknarnefndarinnar hafi aukist ár frá ári. Með samningi við Lögregluskóla ríkisins og Skráningarstofuna árið 2001 hefur nefndin nú aðgang að sérfræðingum á sviði lögreglumála og bíltækni. Hvert banaslys í
umferðinni er því metið af sjö sérfræðingum á vegum Rannsóknarnefndar umferðarslysa. Samkvæmt lögum sem tóku gildi nú á vormánuðum munu Umferðarráð og Skráningarstofan renna saman í eina stofnun, Umferðarstofu. Væntir rannsóknarnefndin þess að breytingin muni efla umferðaröryggisstarf í landinu, þ.m.t. rannsóknarnefndina.
Nefndin þakkar Rannsóknarráði umferðaröryggismála, Umferðarráði, Lögregluskóla ríkisins og Skráningarstofunni samstarf og stuðning á árinu. Þá hefur nefndin átt einkar farsælt samstarf við ríkislögreglustjórann, lögreglustjóraembættin, heilbrigðisstofnanir,Vegagerðina, Neyðarlínuna og Fjarskiptamiðstöð lögreglunnar.
