PDF · Útgáfa 2970-172 — september 2014Vistferilsgreining fyrir brú
Tilgangur þessa verkefnis er að meta umhverfisáhrif alls vistferils dæmigerðrar brúar á Íslandi og draga fram hvaða þættir í vistferli brúarinnar valda mestum umhverfisáhrifum. Greiningin er framkvæmd með aðferðafræði vistferilsgreiningar (e. Life Cycle Assessment) í samræmi við alþjóðlegu staðlana ISO 14040 og 14044. Aðgerðareining vistferilsgreiningarinnar er 1 m2 af nýtanlegu brúargólfi (brúargólfi milli bríka) sem endist í 100 ár. Hámarkshraði er 90 km/klst. og ÁDU er 371 bílar á dag. Kerfismörk greiningarinnar ná yfir öflun hráefna og orkugjafa, flutninga, byggingu, viðhald, rekstur og förgun brúarinnar og er líftími hennar skilgreindur sem 100 ár.
