PDF · Útgáfa NR_1800_906 — október 2022Lagning rafskúta í borgarlandi
Skýrslan Rafskútur og umferðaröryggi var gefin út sumarið 2021, en um var að ræða rannsóknarverkefni VSÓ Ráðgjafar sem var unnið fyrir rannsóknarsjóð Vegagerðarinnar (VSÓ Ráðgjöf, 2021). Í þeirri rannsókn var farið nánar í hvaða áhrif á umferðaröryggi þessi nýi ferðamáti hafði þegar hann var kynntur til leiks. Við gerð skýrslunnar vöknuðu frekari spurningar, þar á meðal um lagningu og frágang rafskúta, en í erlendum rannsóknum hefur verið sýnt fram á að 94% notenda leigðra rafskúta telja sig ganga vel frá þeim eftir sína notkun, en úttektir á lagningu leigðra rafskúta hefur leitt í ljós að einungis um 73% eru lagðar á þann veg að þær hindri ekki umferð annara, þ.e. 27% rafskúta hindra aðgengi annara vegfarenda. Við útgáfu fyrra rannsóknarverkefnis, í maí 2021, voru rafskútur í útleigu á höfuðborgarsvæðinu að nálgast 2.000 stk. Í júlí 2022, rúmu ári síðar, eru þær að nálgast 4.000 stk. Á fréttamiðlum spretta reglulega upp fréttir um virka vegfarendur sem eiga erfitt með aðgengi að og um göngu- og hjólastíga vegna frágang rafskúta á stígunum og eru hópar á samfélagsmiðlum tileinkaðir ljósmyndum af illa lögðum rafskútum (Jóhannsson, 2022; VSÓ Ráðgjöf, 2021; Pálsson, 2022; Verst lagða rafskútan, n.d.). Í þessu verkefninu verður litið til erlendra rannsókna á frágangi rafskúta í borgarlandi og einnig verður skoðað hvaða reglur gilda um lagningu rafskúta í öðrum löndum. Þá verður skoðað til hvaða aðgerða sé hægt að auka notkun á sérlegum skútustæðum (afmörkuðum svæðum til að leggja rafskútum). Helsti ávinningur og markmið verkefnisins er að umræða tengd frágangi rafskúta verður upplýstari og markvissari.
