PDF · mars 2013

Hjól­reiða­slys á Íslandi – Áfanga­skýrsla

Í þessari rannsókn var samanburður gerður á gögnum um einstaklinga sem slösuðust við hjólreiðar úr slysaskrá Umferðarstofu og sjúkraskrá Landspítala háskólasjúkrahúss. Úr sjúkragögnunum var unnin ítarleg áverkagreining á alls 1193 einstaklingum og í ljós kom að einungis 4% þeirra hlutu alvarleg meiðsli. Mikill meirihluti áverka voru á efri og neðri útlimum að mjaðmagrindinni meðtalinni.

Rannsóknin leiddi í ljós að skráning spítalans hefur ekki verið nákvæm varðandi orsakaskráningu slysa. Fjölmörg dæmi voru um slasaða hjólreiðamenn sem fundust ekki í
skrám spítalans þegar leitað var eftir hjólreiðaslysum. Þetta olli vandræðum og töfum við vinnslu rannsóknarinnar en ítarlegi leit hefur verið gerð í gagnagrunni spítalans sem verður gert grein fyrir í lokaskýrslu rannsóknarinnar.