PDF · mars 2008Notkun Oracle Spatial hjá Vegagerðinni
Rannsóknasjóður Vg veitti 3.000.000 kr. styrk til verkefnis um notkun Oracle Spatial hjá Vegagerðinni. Á þeim tíma stóð til að landupplýsingar Vegagerðarinnar yrðu geymdar í Oracle og á Spatial formi sem er gagnatag í Oracle gagnagrunninum til að halda utan um landfræðilega staðsetningu gagna. Þær breytingar urðu síðla sumars á
síðasta ári að ákveðið var að nota ESRI hugbúnað fyrir landupplýsingar Vegagerðarinnar ásamt Oracle en í stað þess að nota Spatial form Oracle þá yrði notað ST_GEOMETRY sem er gagnatag frá ESRI. En ST_GEOMETRY tagið er svokallað BLOB en það er að mestu leyti lokað öðrum hugbúnaði en þó er hægt að nota
PL/SQL forritunarmál til að gera fyrirspurnir í það. SDO_GEOMETRY er hins vegar opið gagnatag sem er opið öðrum hugbúnaði þ.m.t. ESRI.
Þegar lagt var upp í verkefnið var því skipt í 8 þætti. Ekki var lokið við alla verkþættina bæði vegna þess að ekki þótti ástæða til þess sökum ofangreindra breytinga en einnig vegna þess að meiri tími fór í staka verkþætti en gert var ráð fyrir.
Verkefnið fór fram á sérstakri prófanavél í útgáfu 10g af Oracle. Í haust hrundi Oracle prófanavélin og má segja að öll vinna um haustið hafi af þeim sökum farið forgörðum
auk þess sem áhugi á Oracle Spatial innan Vegagerðarinnar hefur óneitanlega minnkað eftir að ákveðið var að nota ESRI högun til að halda utan um landupplýsingar. Það má þó segja að þekking innan Vg á landupplýsingum hafi aukist með þessu verkefni þó svo að ekki hafi verið valið að fara þessa leið.
