PDF · Útgáfa Nr 1800-931 — 1. júní 2024Þróun tengingar milli forsteypts stöpulveggjar og staðsteypts sökkuls með stórum steypustyrktarjárnum
Þessi rannsókn er framhald af verkefninu „Þróun nýrrar tengingar milli forsteypts stöpulveggjar og staðsteypts sökkuls“. Markmiðið er að hraða byggingu brúa á verkstað. Hugmyndin gengur út á að sökkull er steyptur utan um forsteyptar einingar. Þannig er hægt að byggja landstöpul á sama tíma og það tekur að búa til sökkulinn sjálfan. Í þessari rannsókn voru smíðuð tvö ný prófstykki. Bæði prófstykki nýttu nýju tenginguna. Fyrra prófstykkið var smíðað nákvæmlega eins og í fyrri tilraunum nema skerleggjum var komið fyrir á markvissan hátt í veggnum til að stýra brotmyndinni í fullt vægisbrot. Í síðari prófstykkinu var tengingin einfölduð enn frekar.
