PDF · Útgáfa S-11 — mars 2003Viðhaldsaðferðir
Markmið verkefnisins er að leggja grundvöll að traustu og hagkvæmu viðhaldi á bundnum slitlögum. Snar þáttur í þessu markmiði eru tillögur um mismunandi viðhaldsaðferðir eftir slitlagsgerðum, ásamt upplýsingum um kostnað við þær, sem gera kleift að taka tillit til væntanlegs viðhaldskostnaðar þegar slitlagstegund er valin.
Höfundar skýrslunnar hafa safnað saman ýmsum upplýsingum sem þeir telja að komi að gagni við mat á viðhaldsþörf, tiltækar viðhaldsaðferðir og kostnað við þær. Þeir hafa fyrst og fremst stuðst við eigin reynslu af viðhaldi í umsjá Vegagerðarinnar og Reykjavíkurborgar, en einnig sótt nokkuð í erlendar heimildir. Megináherslan er lögð á orsakir skemmda á bundnum slitlögum, viðhaldsaðferðir sem geta hentað í hverju tilviki fyrir sig og kostnað við þær. Fjallað er um viðhaldsstjórnun og sagt frá aðferðum
til að safna gögnum um ástand slitlaga. Að síðustu er kynnt líkan sem má nota til að áætla endingu á bundnum slitlögum að teknu tilliti til slitlagsgerðar, efnisgæða, umferðar og leyfilegrar hjólfaradýptar.
