3. apríl 2025Umferð milli mánaða 2024 og 2025
Annan mánuðinn í röð mælist samdráttur í umferð um Hringveginn en í nýliðnum mánuði dróst umferð saman um 1,6%, ef marka má 16 lykilteljara Vegagerðarinnar, borið saman við sama mánuð á síðasta ári.
Umferð dróst saman á þremur landssvæðum, eða á Suðurlandi um 8,1%, Vesturlandi um 2,7% og Austurlandi um 2,9%. Umferð jókst hins vegar aðeins um teljara í grennd við hbsvæðið eða um 0,3% og Norðurland um 3,4%.
Mest dróst umferð saman um mælisnið á Hellisheiði eða um 9,1%, sem er afar óhefðbundið. Umferð jókst hins vegar mest um mælisnið á Möðrudalsöræfum um 11,4%.
Uppsafnað frá áramótum
Núna hefur umferð nánast staðið í stað, frá áramótum, en hún hefur aðeins aukist um 0,3%, borið saman við sama tímabil á síðasta ári. Mestu munar þar um að umferð á Suðurlandi hefur dregist saman um 3,5% frá áramótum borið saman við sama tímabil á síðasta ári. Uppsöfnuð umferð hefur aukist mest um Norðurland eða um 2,5%.
Umferð eftir vikudögum
Frá áramótum hefur mest verið ekið á föstudögum en minnst á laugardögum.
Umferð hefur aukist hlutfallslega mest á föstudögum eða um 6% en tæplega 5% samdráttur mælist í umferð á miðvikudögum. Umferð dróst saman í fjórum vikudögum eða miðviku-, fimmtu-, laugar- og sunnudögum.
| Samantektartafla nr. 3 | |||||
| 2025/2024 | 2024/2023 | ||||
| Milli mars mánaða | Uppsafnað frá áramótum | Milli mars mánaða | Uppsafnað frá áramótum | ||
| Landssvæði | |||||
| Suðurland | -8,1% | -3,5% | 16,9% | 14,9% | |
| Höfuðborgarsvæðið | 0,3% | 0,8% | 4,5% | 7,2% | |
| Vesturland | -2,7% | 1,6% | 7,2% | 7,4% | |
| Norðurland | 3,4% | 2,5% | 12,7% | 8,7% | |
| Austurland | -2,9% | -0,5% | 21,4% | 8,6% | |
| Samtals (vegið) | -1,6% | 0,3% | 8,0% | 8,6% | |
Ath. allar umferðartölur eru grófrýndar, sem gætu því tekið breytingum við endanlega yfirferð í byrjun næsta árs.