Verk­stjóri á þjón­ustu­stöð í Fella­bæ

• Almenn þjónusta, eftirlit og verkstjórn í viðhaldi vega og vegbúnaðar á svæði þjónustustöðvarinnar. 
• Eftirlit í vetrarþjónustu með færð á vegum, upplýsingagjöf og stjórnun snjómoksturs í samvinnu við yfirverkstjóra og vaktstöð Vegagerðarinnar.
• Vinnur bakvaktir í vetrarþjónustu utan dagvinnutíma frá október-apríl og er aðgengilegur ef þörf skapast, s.s. vegna veðurs, náttúruhamfara og slysa.
• Samskipti og eftirlit með verktökum.
• Gætir að öryggi starfsfólks þjónustustöðvar og vegfarenda á vinnusvæðum og fylgir öryggisreglum þar að lútandi.

• Almennt grunnnám, iðnmenntun æskileg 
• Reynsla af stjórnun æskileg
• Verkstjórnarnámskeið eða sambærilegt er æskilegt
• Meirapróf og/eða vinnuvélaréttindi æskilegt
• Starfsreynsla sem nýtist í starfi
• Góð íslenskukunnátta
• Góð tölvukunnátta
• Framúrskarandi hæfni í mannlegum samskiptum
• Frumkvæði og hæfni til að vinna sjálfstætt sem og í hóp
• Góð öryggisvitund

Vegagerðin er eftirsóknarverður vinnustaður, stærsta framkvæmdastofnun landsins með gríðarlega fjölbreytta verkefnaflóru. Vegagerðin þróar og annast samgöngukerfi, á sjó og landi, á sem hagkvæmastan hátt með þarfir samfélagsins, öryggi vegfarenda og umhverfissjónarmið að leiðarljósi. Um 350 starfsmenn Vegagerðarinnar starfa á 18 starfsstöðvum víðsvegar um landið.

Áhugasamir einstaklingar, óháð kyni, eru hvattir til að sækja um. Í umsókninni komi fram upplýsingar um fyrri störf og upplýsingar um þær hæfnikröfur sem óskað er eftir. Afrit af ökuréttindum þarf að fylgja umsókn. 

Umsóknir geta gilt í sex mánuði frá því að umsóknarfrestur rennur út. Öllum umsóknum um starfið verður svarað þegar ákvörðun um ráðningu hefur verið tekin.