Elskar þú glussakerfi og snjóbúnað? Rekstur véla og tækja
- StarfsstöðHöfuðborgarsvæðið
- DeildIðnstörf
- Starfshlutfall100%
- Umsóknarfrestur22. apríl 2025
Við leitum að fjölhæfum einstaklingi með þekkingu á glussakerfum og snjóbúnaði til að bætast í hópinn hjá véla og tækjateyminu á rekstrardeild Vegagerðarinnar.
Á rekstrardeild starfa um 15 manns og þar af þrír í vélum og tækjum. Rekstrardeild er þjónustudeild og mikið er lagt upp úr góðri liðsheild, ríkri þjónustulund og lausnamiðaðri nálgun. Deildin þjónustar verkstæði Vegagerðarinnar um allt land, ásamt fasteignum, vöruinnkaupum og birgðastýringu. Vegagerðin er með 18 starfsstöðvar en starfsemi rekstrardeildar er í Suðurhrauni 3 í Garðabæ.
Helstu verkefni
- Útvega varahluti í vélar og tæki, í samráði við verkstæðisformenn og yfirverkstjóra á þjónustustöðvum.
- Eftirlit með notkun og viðhaldi tækjabúnaðar Vegagerðarinnar.
- Ráðgjöf og fræðsla um rekstur og viðhald.
- Aðstoð við gerð viðhaldsáætlana fyrir tækjabúnað.
- Ástandsskoðun á vélum og tækjum á starfsstöðvum Vegagerðarinnar.
Hæfniskröfur
- Yfirgripsmikil þekking á vélum og tækjabúnaði, einkum þeim er varða vegaþjónustu s.s. vegheflum, dreifurum, snjótönnum ásamt vökvakerfum og varahlutum.
- Sveinspróf í vélvirkjun, bifvélavirkjun, eða sambærileg menntun er kostur.
- Mikil samskiptafærni, lausnamiðuð nálgun, hæfni til að vinna sjálfstætt og í hóp.
- Almenn ökuréttindi, C- og E-réttindi eru kostur.
- Almenn tölvufærni.
- Gott vald á íslensku.
- Góð öryggisvitund.
Frekar upplýsingar um starfið
Áhugasamir einstaklingar, án tillits til kyns, eru hvattir til að sækja um. Í umsókninni komi fram upplýsingar um fyrri störf og þær hæfnikröfur sem óskað er eftir, auk afrita af prófskírteinum og ökuréttindum. Öllum umsóknum verður svarað þegar ákvörðun um ráðningu hefur verið tekin.
Vegagerðin er eftirsóknarverður vinnustaður, stærsta framkvæmdastofnun landsins með gríðarlega fjölbreytta verkefnaflóru. Vegagerðin þróar og annast samgöngukerfi, á sjó og landi, á sem hagkvæmastan hátt með þarfir samfélagsins, öryggi vegfarenda og umhverfissjónarmið að leiðarljósi. Um 350 starfsmenn Vegagerðarinnar starfa á 18 starfsstöðvum víðsvegar um landið.