Göngubrú yfir Sæbraut, sem mun auka öryggi gangandi og hjólandi vegfarenda þar til Sæbrautarstokkur verður tilbúinn. Brúin verður færð tvisvar á framkvæmdatíma til að brúa framkvæmdasvæðið. Fyrst verður hún sett upp milli Snekkjuvogar og Tranavogar. Sitthvoru megin við brúarenda verður aðgengi upp á brúna með stiga og lyftu. Framkvæmdir hefjast vorið 2024. Fyrirhugað er að taka göngubrúna í notkun haustið 2024.