14. júní 2024

Umfer­din.is uppfærð

Ein helsta breytingin er að nú er hægt að fá yfirlit yfir allar vefmyndavélar á einum stað og kalla þær allar fram á korti. Auk þess felst í uppfærslunni:  

• Nýr fellilisti.
• Uppfært útlit.
• Ný slitlagsþekja sem sýnir hvaða vegir hafa bundið slitlag og hverjir eru malarvegir. 
• Kort fyrir vetrarþjónustu. Þar er hægt að sjá hvernig vegir eru þjónustaðir á veturna eftir gildandi reglum.  
• Jarðgöng eru betur merkt á korti. 
• Aukavegir eru á færðarkorti, en það eru vegir sem ekki eru þjóðvegir.

Í fellilista efst til vinstri á forsíðunni er hægt að velja mismunandi þekjur. Þar er að finna upplýsingar um færð og veður, hvar þungatakmarkanir eru í gildi, hvar unnið er við vegavinnu, vefmyndavélar, slitlag og upplýsingar um vetrarþjónustu. 

Notendum er einnig bent á að nýta leitargluggann á síðunni. Þar má meðal annars leita eftir landshlutum. Við það birtist listi yfir landshluta sem hægt er að smella á, en þá þysjast kortið inn á umbeðinn hluta landsins.   

Hálf milljón heimsókna síðasta mánuðinn 

Frá því að umferdin.is var sett í loftið í október 2022 í hefur umferð um vefinn verið mikil en síðustu þrjátíu daga voru heimsóknir á umferdin.is meira en 530 þúsund talsins.