7. janúar 2021Þverun Þorskafjarðar boðin út í næstu viku
Stefnt er að því að bjóða út þverun Þorskafjarðar í næstu viku en nýverið náðist samkomulag við landeigendur í Þorskafirði.
Verkið ber heitið Vestfjarðavegur (60) um Gufudalssveit, Kinnastaðir-Þórustaðir. Í því felst nýbygging Vestfjarðavegar á um 2,7 km kafla við austanverðan Þorskafjörð. Meðal verkefna er bygging 260 metra langrar steyptrar brúar yfir Þorskafjörð. Vegurinn er alfarið byggður í nýju vegstæði en tengist núverandi Vestfjarðavegi í báða enda.
Útboðið er auglýst á Evrópska efnahagssvæðinu (EES).
Verkið felst í nýbyggingu 2,7 km vegarkafla en innifalið í verkinu er bygging 260 m langrar steyptrar brúar.
Framkvæmdasvæði við Þorskafjörð.