Umferð eykst líka á svæðum utan Hringvegar
umferðin á Snæfellsnesi, Vestfjörðum og Austfjörðum eykst
Það er ekki einungis á Hringveginum og á höfuðborgarsvæðinu sem umferðin eykst, sama á við um svæði utan Hringvegarins. Vegagerðin birtir nú í fyrsta sinn samanburð á umferðinni á Snæfellsnesi, Vestfjörðum og Austfjörðum. En um umferðin um t.d. Snæfellsnes jókst um 25 prósent í nóvember og útlit er fyrir að umferðin á svæðinu í ár verði 28 prósentum meiri en í fyrra. Heldur minni aukning er á hinum svæðunum en mjög mikil eigi að síður.
Umferð um landssvæði utan Hringvegar:
Milli mánaða 2015 og
2016
Umferð um 3 mælisnið á Snæfellsnesi jókst um rúmlega 25% í
nýliðnum nóvembermánuði miðað við sama mánuð á síðasta ári. Mest jókst umferðin um mælisnið við
Hraunsmúla í Staðarsveit eða um 34%.
Á Vestfjörðum varð aukningin um 7% í milli sömu mánaða, í þremur mælisniðum þess svæðis. Mest jókst umferðin um mælisnið í Vatnsfirði eða um 24%.
Um þrjú mælisnið á Austfjörðum jókst umferðin sömuleiðis eða um 12%. Mest varð aukningin mælisnið við Streiti (á Hringvegi) eða um 41%.
Umferð frá áramótum
2015 og 2016
Frá áramótum hefur umferð aukist samkvæmt eftirfarandi fyrir þrjú
mælisnið hvers landssvæðis:
- Snæfellsnes: 27%
- Vestfirðir: 20%
- Austfirðir: 18%
Umferð eftir
vikudögum
Á Snæfellsnesi hefur umferðin á föstudögum verið mest eða
111% af meðalumferð á dag frá áramótum.
Minnst er ekið á þriðjudögum á þessu svæði en þá er meðalumferðin rétt
um 90% af meðalumferð.
Svipað mynstur má sjá á Vestfjörðum en þar eru föstudagar heldur hærra hlutfall af meðal sólarhringsumferð ársins eða 123%. Líkt og á Snæfellsnesi er minnst ekið á þriðjudögum en þá er umferðin um 87% af meðal sólarhringsumferð ársins.
Aðeins annað mynstur kemur fram fyrir umferðin um mælisnið á Austfjörðum en þá mælast miðvikudagar stærstir með 111% af meðalumferð sunnudagar minnstir með 86% af meðalumferð.
Horfur út árið 2016
Hegði umferðin sér svipað, núna í desember, og hún hefur gert fyrri ár má búast við því að aukning umferðar, nú í ár miðað við síðasta ár, um svæðin þrjú verði þessi:
- Snæfellsnes: 28%
- Vestfirðir: 20%
- Austfirðir: 18%
Talnaefni