Snjóflóðaviðvaranir
Súðavíkurhlíð, Flateyrarvegur, Siglufjarðarvegur og Ólafsfjarðarmúli.
Vegagerðin hefur sett upp viðvörunarkerfi með SMS skeytum um snjóflóða- og hrunhættu til vegfarenda. Sendar eru upplýsingar um hættu á þjóðvegunum 61 á Súðarvíkurhlíð, 64 á Flateyrarvegi, 76 á Siglufjarðarvegi um Almenninga og 82 á Ólafsfjarðarmúla.
Viðvaranirnar eru m.a. byggðar á snjóflóðaspá sem Veðurstofan gerir fyrir Vegagerðina um þessa vegakafla. Um er að ræða eftirfarandi stig:
Vegna snjóflóðahættu:
- A. Varað er við snjóflóðahættur á næstu klukkutímum
- B. Lýst yfir óvissustigi, sem þýðir að snjóflóðahætta er viðvarandi og vegfarendur hvattir til að vera ekki á ferðinni að nauðsynjalausu
- C. Lýst yfir hættustigi, veginum lokað
- D. Hættustigi aflýst og vegurinn opinn
Vegna sigs vegar í Almenningum á Siglufjarðarvegi:
- B. Lýst yfir hættustigi 1, vegurinn opinn
- C. Lýst yfir hættustigi 2, veginum lokað
- D. Hættustigum aflýst, vegurinn opnaður
Hægt er að skrá sig til að fá SMS í símann með því að senda póst á umferd@vegagerdin.is eða með því að hringja í síma 1777.
Snjóflóðaviðvaranir (pdf) (apríl 2023)