Minni umferð í júlí í ár en í fyrra á Hringveginum
frekar óvæntur samdráttur í umferðinni
Umferðin í júlí um lykilteljara Vegagerðarinnar á Hringveginum reyndist um prósenti minni en í sama mánuði í fyrra. Samt er þetta annar umferðarmesti júlí frá því mælingar af þessu tagi hófust. Reikna má með að umferðin í ár verði ríflega 1,5 prósenti meiri en árið 2021.
Milli mánaða
Umferðin í
nýliðnum júlí, um 16 lykilteljara Vegagerðarinnar á Hringvegi, reyndist minni
en von var á, sé tekið mið af júní umferð, og mældist hún tæpu einu prósenti
undir því sem hún var í júlí í fyrra. Engu að síður er þetta næst stærsti
júlí mánuður frá upphafi mælinga.
Umferð dróst saman á öllum svæðum utan Suðurlands og um teljara í grennd við höfuðborgarsvæðið. Mestur samdráttur mældist um Austurland eða rúmlega 21% samdráttur, miðað við sama mánuð á síðasta ári.
Mest jókst umferð á lykilteljara vestan Hvolsvallar eða um tæp 9% og er það trúlega vegna landsmóts hestamanna, þar í grennd. Mesti samdráttur mældist um teljara á Möðrudalsöræfum eða rétt rúmlega 50% samdráttur.
Frá áramótum
Nú hefur umferð
aukist um tæp 3%, frá áramótum miðað við sama tímabil á síðasta ári. Mest
hefur umferð vaxið á Austurlandi en minnst í grennd við höfuðborgarsvæðið en þar mælist
örlítill samdráttur.
Umferð eftir
vikudögum
Frá áramótum
hefur minnst verið ekið á laugardögum en mest á föstudögum. Aukning er í
umferð á öllum vikudögum utan mánudaga, en þar mælist rúmlega hálft prósent
samdráttur.
Horfur út árið
Núna stefnir
umferðin í að vera rétt rúmlega einu og hálfu prósentu meiri, en hún var á
síðasta ári. Gangi sú spá eftir yrði umferðin á Hringveginum, svo gott
sem, á pari við umferðina eins og hún var árið 2018.