Stikur á vegum

Stikur í göngum

Stikur á vegum með umferð í 1 átt

Reglugerð um umferðarmerki:

Vegstikur eru notaðar til að afmarka vegarbrún. Glitmerki skulu sýna hvítt endurskin. Nota skal eitt merki við hægri brún akbrautar miðað við akstursstefnu. Við vinstri brún akbrautar með umferð í eina átt skal einnig nota eitt merki, jafn stórt og merki á hægri brún og við vinstri brún akbrautar á vegi með umferð í báðar áttir skal nota tvö aðskilin merki. Í tvíbreiðum jarðgöngum við hægri brún akbrautar miðað við akstursstefnu er heimilt að hafa merkin tvö með a.m.k. 0,3 m bili á milli og við vinstri brún akbrautar er heimilt að hafa merkin tvisvar sinnum tvö með a.m.k. 0,3 m bili á milli para. Glitmerki skulu skásett þannig að þau vísi að vegi.

Vinnureglur um notkun utan þéttbýlis:
Stikur skulu vera gular.

Kantstikur skal setja upp á óupplýstum vegum samkvæmt eftirfarandi töflu.

Vegtegund	Tíðni	Fjöldi stika á km
Stofnvegir	2 x 50	40
Tengivegir ÁDU > 100	2 x 50	40
Tengivegir ÁDU < 100	1 x 50	20
Héraðsvegir og Stofnvegir á hálendi	1 x 100	10
Landsvegir	1x 100	10

2 x 50 er báðum megin og á 50 metra fresti
1 x 100 er öðrum megin á og á 100 metra fresti

Æskilegt er að hafa minna bil þegar aðstæður krefjast t.d. þar sem skyggni er slæmt að vetrarlagi, við ræsi og í beygjum.
Á vegum þar sem annar kantur er stikaður og skipt er um kant við stikun skal stika á báðum köntum á a.m.k. 300 m kafla.

Á upplýstum vegum skulu kantar stikaðir, þeim megin sem ljósastaurar eru ekki, ef skyggni og aðstæður gefa sérstakt tilefni til. Ljósastaura má merkja með endurskinsmerkjum á sama hátt og stikur.

Staðsetning stika: Þar sem stikur eru báðum megin vegar skulu þær standa gegnt hvor annarri. Stikur skal staðsetja efst í fláa utan við vegaxlir. Stikur skal staðsetja þannig að þær myndi línu samsíða vegi. Lengd stika: Hefðbundnar stikur eru 90 sm en einnig er heimilt að nota 120 sm stikur við sérstakar aðstæður. Nota má snjóstikur K01.21 í stað venjulegra stika.

Almennar kröfur til vegstika


Álagsþol stika og samanburður við drög að Evrópustaðli - Skýrsla útgefin af ITÍ í september 2005